ལམ་རིམ་ཚིག་རྐང་བཅུ་གཉིས་མ་བཞུགས་སོ། །
ན་མོ་གུ་རུ། །
（བཤེས་གཉེན་བསྟེན་ཚུལ་ནས་སྐྱེས་བུ་ཆུང་ངུ་དང་ཐུན་མོང་བའི་ལམ་རིམ། )
མ་ནོར་ལམ་སྟོན་བཤེས་གཉེན་ཚུལ་བཞིན་བསྟེན། །
དལ་འབྱོར་དོན་ཆེན་རྙེད་དཀའ་འཇིག་སླ་བསམ། །
ཚ་གྲང་བཀྲེས་སོགས་ངན་འགྲོའི་སྡུག་བསྔལ་དྲན། །
དཀོན་མཆོག་སྐྱབས་འགྲོ་སྡིག་སྤོང་དགེ་བ་བསྒྲུབ། །
（སྐྱེས་བུ་འབྲིང་དང་ཐུན་མོང་བའི་ལམ་རིམ།)
སྤྱི་དང་བྱེ་བྲག་འཁོར་བའི་ཉེས་དམིགས་བསམ། །
ལྷག་པའི་བསླབ་གསུམ་ཚུལ་བཞིན་ཉམས་སུ་ལེན། །
（སྐྱེས་བུ་ཆེན་པོའི་ལམ་རིམ་སློབ་ཚུལ།)
མར་ཤེས་དྲིན་དྲན་དྲིན་གཟོ་བྱམས་སྙིང་བསྒོམ། །
ལྷག་བསམ་སེམས་བསྐྱེད་སྨོན་འཇུག་ཆོ་གས་བཟུང་། །
（རྡོ་རྗེ་ཐེག་པ་ལ་སློབ་ཚུལ།)
ཐུན་མོང་ཕྱིན་དྲུག་ཐུན་མིན་དབང་བསྐུར་མནོས། །
མཚན་བཅས་མཚན་མེད་རིམ་གཉིས་རྣལ་འབྱོར་བསྐྱངས། །
དེ་ལྟར་ཡོངས་རྫོགས་ལམ་གྱི་རིམ་པའི་གནད། །
བདག་གཞན་རྒྱུད་ལ་མྱུར་དུ་སྐྱེ་བར་ཤོག །། དགའོ། །
